Muharram Poetry 2023||Karbala Shayari In Urdu||Slam Shayari 2023

Muharram Poetry 2023||Karbala Shayari In Urdu||Slam Shayari 2023

سلام نمبر 1:

شاعرہ نادیہ سحر:

نصیبِ دیدہ وراں ہے مرے حسینؑ کا غم 

جہاں بھی دل ہے وہاں ہے مرے حسینؑ کا غم 

ہر ایک سانس ہے شعلہ ہر ایک سینہ فگار 

لہو لہو میں رواں ہے مرے حسینؑ کا غم 

فرات جلتا سلگتا ہے دریا ہوتے ہوۓ 

کہ جیسے گریہ کناں ہے مرے حسینؑ کا غم 

ہر ایک ذرہ سراغِ خود آگہی دے گا 

کہاں نہیں ہے کہاں ہے مرے حسینؑ کا غم 

گڑا ہوا ہے ہر اک سینے میں سحر تیشہ

بپا ہے بر سرِ نوکِ سناں حسینؑ کا غم

سلام نمبر 2 :

شاعر جاوید احمد :

سلام بحضور امام عالی مقام ( اپنی پوٹھوہاری میں)

تساں شاناں آلے دوہترے ۔۔ تساں نبی ناں لاڈ پیار 

تساں ملک او وچ ملائکاں ۔۔ تساں جنت نے سردار 

تساں چہیتے ابو تراب نے تساں نانے پاک نی لج

مکھ لاٹ شہادت لشکنی ۔۔۔ کئی جئی تساں نی سج

تساں زلف نبی نی تھم کے رہے موہڈیاں اتے سوار 

تساں جیدھر چاہیا موڑیا ۔۔۔۔۔۔۔ انہاں نہیں کیتا انکار 

چانن زہرا نی اکھ نے ۔۔۔۔۔۔۔۔۔۔ ۔سکھ چین او حیدر نے 

تساں کھیڈے گود رسول وچ تساں وارث اس گھر نے 

سِِک لے کے نانے پاک نی ۔۔۔۔۔۔۔۔۔۔۔۔ ول کربل ہوئے تیار 

ہیٹھ پیر رکاب سسی عشق نی تساں حق نے شاہ سوار 

تساں ہک مثال صَبر نی ۔۔۔۔۔۔۔۔۔۔ تساں دردیاں نے ہمدرد 

دھرتی نی اکھ نہیں تکیا ۔۔۔۔۔ فیر تساں جیہا کوئی مرد

تساں ونڈنہار کوثر نے ۔۔۔۔۔۔۔۔ جتھے پینے بنا حساب 

ایتھے پانی بند فرات ناں پھٹ پھٹ کے روئے حباب 

تساں جانو مرضی رب نی تساں جانو رمز رضا 

فیر چڑھ نیزے نی نوک تے ۔۔ تساں دتا درس وفا 

تساں ڈہول کے لہو بنائی حق سچ نی ہک تصویر 

تساں نور کتاب قرآن نی ۔۔۔۔ کئی جئی کیتی تفسیر 

فیر یا حسین یزیداں ۔۔۔۔۔۔۔۔۔۔۔۔۔۔۔۔۔ اے دنیا کیتی تنگ 

پر تساں جیہا نہیں کوئی جو کرے انہاں ن

سلام نمبر 3 :

شاعر : اسد رضا سحر

وحدت کا زیب و زین ہے حی علی الفلاح

"حی علی الحسین ہے حی علی الفلاح "

اِس کو فقط اذان کا مصرع نہ جانیے

یہ حکمِ صادقین ہے حی علی الفلاح

بدعت سمجھنے والے مسلماں کو کیا خبر

بہتا ہوا یہ نین ہے حی علی الفلاح

ہر ماتمی جوان یہ کہتا ہے فخر سے

ماتم ہی اپنا چین ہے حی علی الفلاح

برچھی کے بعد خالقِ اکبر کی یہ اذاں

سوچیں تو ایک بین ہے حی علی ا

سلام نمبر 4

شاعر : ندیم ملک

قسم خدا کی وفا نے کہا حسین حسین

فلک پہ  آپ خدا نے  لکھا حسین حسین 

زمیں پہ ذکر ہوا جب خدا کے بندوں کا 

چہار سمت سے آئی صدا حسین حسین 

سلام سیدہ زہرہ کے جب حضور کہا

فرت رونے لگا جا بہ جا حسین حسین

لپٹ پڑے یہ در و بام مرے سینے سے

اداس شام نے جب بھی سنا حسین حسین 

جب آیا ذکر مرے لب  پہ کربلا  کا  ندیم 

صدائیں آنے لگیں باخدا حسین حسین 

سلام نمبر 5 

شاعر : محمد ولی صادق

علی کی آنکھ کا تارا حسین زندہ باد

مِرے نبی کا دلارا حسین زندہ باد

نبی کے دین پہ کربل میں خانوادہ تِرا

کٹا ہے سارے کا سارا حسین زندہ باد

اب اور ہونے کی حق پر دلیل کیا ہوگی

کہ ہے امام ہمارا حسین زندہ باد

یزیدیوں سے تو اتنی طویل بحث نہ کر

بس اِک جواب کرارا حسین زندہ باد

میں قتل ہو کے جو محشر میں جی اٹھوں یارب

تو میرے لب پہ ہو نعرہ حسین زندہ باد

صد آفرین کہ کربل کے ریگ زاروں کو

لہو سے تو نے سنوارا حسین زندہ باد

نظر پڑی جو محرّم کے چاند پر صادق

تو میرے دل نے پکارا حسین زندہ باد

سلام نمبر 6 :

شاعر: خالد سجاد حسین

جو لکھ رہا ہے دل و جان سے سلامِ حُسین

وہ بادشاہوں سے اچھا ہے اک غلامِ حُسین

ہر ایک شخص ہے ماتم گزار و گریہ کناں

زبان پہ ورد کی صُورت ہے سب کے نامِ حُسین

زمیں پہ اب یہاں پیاسا نہیں رہے گا کوئی

لبِ فرات کھڑے ہیں مرے امامِ حُسین

میں پا برہنہ رہوں گا یونہی محّرم میں

کہ میری ذات کا حصّہ ہے احترامِ حُسین

زمیں پہ کتنی ہی موسم بدل گئے لیکن

ہماری جاں میں سُلگتی ہے اب بھی شامِ حُسین

یہ خاک زاد بھلا کیا بتائیں گے خالد

فلک سے پوچھ میاں تزک و احتشامِ حسین

سلام نمبر 8

شاعر فرحت عباس شاہ

 کسی سناٹے  نہ وحشت نہ بیابانی سے

 سنگ کٹتے ہوۓ دیکھا گیا ہے پانی سے 

ایسے سفاک زمانے میں رہا ہوں زندہ 

جو مرے جیسے کچل دیتا ہے آسانی سے 

 تو سنا کیسا رہا تجربہ تیرا مرے ساتھ 

 میں تو باہر نہیں آ پایا  پشیمانی سے

 دل کبھی عشق سے برباد نہیں ہوسکتا 

 دل کو برباد کیا جاتا ہے ویرانی سے 

 

   آج بھی کالے ہیں دل بغض ِ علی سے ان کے 

  اے خدا توبہ مری ایسی مسلمانی سے 

  

  اس میں حکمت مرے مولا کی کوٸی تو ہوگی 

  یہ جو میں نکلا نہیں بے سروسامانی سے 

 

  تو نے قلت کے سبب دیکھے ہیں لیکن میں نے 

    لوگ مرتے ہوۓ دیکھے ہیں فراوانی سے 

  میں نہیں ڈرتا کسی ننگے بدن سے یارو 

  خوف آتا ہے مجھے آنکھ کی عریانی سے 

  مجھ کو معلوم ہے مشکل سے بچا ہوں فرحت 

 بات کر مجھ سے مجھے دیکھ نہ حیرانی سے

سلام نمبر 9

شاعر:کاظم حسین کاظم

بشر  کو   نور   دکھائے  گا  نورِ  تشنہ  لبی 

یہ شرط ہے کہ  ہو  پہلے شعورِ  تشنہ  لبی

گلے سے پیاس بجھائی  گئی  ہے  تیروں  کی

ہوا   صغیر   سے   سرزد   قصورِ  تشنہ  لبی

وہ کس کے ہونٹوں نے پانی کو منہ لگایا نہیں۔

بتاٶ  کس  نے   ہے  توڑا   غرورِ  تشنہ  لبی۔

وہ کون شخص ہے پردے میں جو لہو رو کر

نبھارہا   ہے    ہمیشہ    امورِ    تشنہ    لبی 

پلا کے پانی کو پانی کہا  یہ  غازی  ع  نے

ترے نصیب میں کب ہے سَرُورِ تشنہ لبی

وہاں وہاں پہ  ہے  پانی  نے  فاتحہ  پڑھنا 

جہاں  جہاں  پہ  بنی  ہیں  قبورِ  تشنہ  لبی

یہ جال پانی  کا  اُن  کو  نہ  قید  کر  پایا

انا کے دشت میں جو تھے طیورِ  تشنہ  لبی

جنابِ موسیٰ ع سے کاظم وہ سر نہ  ہو  پاتا

جو سر کیا علی اصغر ع نے طورِ  تشنہ لبی۔

سلام نمبر 10

شاعر:ندیم ملک

نمازِ پڑھ کے  یہ  دکھ درد کم  کیا جائے 

میرے حسین کا جس وقت غم کیا جائے 

علی کے لعل کی بیٹی کا نام جب آئے

حیا کے باب کو شہہ سے رقم کیا جائے

سناں کی نوک پہ جو بولتا ہے وہ ہے حسین

اسی حسین کا غم دم بہ دم کیا جائے

حضورِ پاک کے صدقے علی لال حسین 

مریض_ عشق ہوں مجھ پر بھی دم کیا جائے

مرے امام نے سجدہ  طویل کر ڈالا 

نمازِ عشق کو اب  محترم کیا جائے

صدائیں آتی ہیں کرب و بلا سے مجھ کو ندیم

درود پڑھ کے یہ قصہ رقم کیا جائے